Iè veru ca’ ‘o scrittu in cursivu nun zi usa cchilù?

‘Stì ‘mericani so’ forti, sturianu sempi e mo’ anu rittu ca’ fra pocu ‘a scrittura in cursivu nun zi usa cchiù. Mo’ ‘ngè ‘o computer ca’ sostituisci a scrittura manuali. Anu rittu ca’ iè divintata cumma a Cenerentola ri l’alfabetizzazioni. Pimm’è ricinu sulu ciutarii, a scrittura in cursivu servi sempi: ‘nda scola, sopi ‘a fatiha, si unu addà piglià n’appuntu, cchi faci, si porta ‘o computer appriessu? Po’ ricinu ca’ ‘e uagliuni scrivinu sulu in stampatu, e so’ lienti a scrivi, inveci ‘ngè bisuognu ri scrivi veloci. ‘A scrittura, unu s’ambara ‘nda na manera automatica, na cosa ca si faci naturalmente e rapidamente. ‘O sturenti, si scrivi in stampatello, ‘ngi metti assai tiempu pi’ scrivi nu tema allora li faci perdi ‘a capacità ri sturià e ri piglià voti buoni. Chi scoperta ca’ fattu stu prufissori! Ma ‘nda scola nui chi facimu? Nun l’imbaramu a scrivi buonu? ‘A fa a bella scrittura? ‘A scrivi ‘ndo rigu?Certu, osci parecchi maestri, nu badanu cchiu a cummi l’alunnu scrivi, si scrivi stuortu, se ‘e lettiri ‘e scrivi ‘ndo spaziu, si lassa ‘o spaziu tra na lettira e l’ata. Inveci ana iessi ‘e prufissuri re scoli superiori a continuà a fatiha nosta, picchè ‘o uaglioni, quannu iè fattu granni, scrivi ‘nda na manera astrusa e voli continuatu a essi correttu. ‘O computer iè ‘na scusa pi giustificà ‘a scarsa ‘mburtanza ca si rai a la scrittura.