Vernacolese

venerdì, dicembre 01, 2006



TRA ‘O CUVERNU E ‘O BULLISMU…

Nata settimana iè passata
e ri chiacchieri nunn’ amu sintutu atu.
Viscu, lu vampiru ha dichiaratu:
mo’ li tassi ponu scenni,
picchè l’italianu s’è appauratu
e cchiù soldi avi cacciatu.
Pi’ meritu ri Tremonti
ca’ avia fattu buoni li conti
miliardi, ‘nda li cassi so’ trasuti,
ma nun zi capisci picchè ‘sta finanziaria
iè fatta sulu ri tassi campati ‘nda l’ aria.
Po’ ‘nge statu Dilibertu
‘o duru e puru, c’ha dittu:
‘o comunismu iè duraturu.
Prodi si caca sotta,
Bertinotti lu rimbrotta,
e ri Berlinguer si ricorda
ca’ vulia nu partitu ri cuvernu.
Ma cchi volinu fa ‘sti cumpagnucci
ri colazioni, pranzu e cena,
ca’ s’impegnanu cu’ tanta lena?
‘Ngè nu centru e ‘na destra allihati,
ca’ nun cunsegnanu l’Italia a li faccicacati.
Iè ‘nzuta la brutta storia ri lu bullismu
c’ha fattu ienzi li scienziati ra lu mutismu.
Tutti prericanu ca’ sti uagliuni nun ‘zo educati,
li famigli so’ abbandunati,
li prufissuri so’ mali pahati,
e li sturienti si piglianu a palati.
Nisciunu rici ‘a verità:
iè succiesu ca’ a l’ EDUCAZIONI, l’anu fattu lu pruciessu.
Li mammi rifenninu ‘e figli ra li prufissuri,
cu’ la scusa ri li soldi ‘o prufissori
picca faci ‘nda li cing’ ora.
Ma si unu iè cuscienti e ‘ngi teni a li sturienti,
li faci capisci ca’ ‘e soldi nun ‘zo nienti,
si nun zi metti ‘a matematica e Danti sotti e rienti.
Ma l’aumientu ri lu stipendiu si lu merita lu docenti?
Cu l’assillu ri lu programma c’ addà firnisci
nun penza a lu sturenti ca’ nun capisci.
Però, ‘ngi so’ tanti ati insegnanti,
ca’ ri la scola so’ ancora amanti.
Accumpagnanu ‘nda lu camminu li sturienti
e li bulli restanu senza nienti ‘nda li rienti.
L’ utima nutizia n’ha data Giurdanu ‘o cumpagnoni:
roppu lu brindisi ri capurannu,
‘stu cuvernu voli continuà a fa rannu,
‘ngumingia ‘a fasi 2, pi’ ienzi ra la crisi
e fa la cuncurrenza a li tedeschi e li francisi.
Vi fazzu n’auriu ri nata bona settimana,
‘ngi voli forza e curaggiu
pi’ campa ‘nda repubblica ri la banana.