...ARRETU PERI

Quannu, dov’a Giuvanni scija Bersani,
tutti li vattianu ‘e mani
picchè ricia a Tremonti
ca’ nun sapia fa li conti.
Ballarò è ‘na trasmissioni
c’ avia roi funzioni:
una era chedda ri fa parlà
pi’ menz’ora l’opposizioni;
‘a seconda era ri metti
‘ndo ‘mbarazzu Buttiglioni.
Mo’ ca cumanna Bersani,
ca’ li buchi avia chiuri,
tre decreti a matina à fattu,
tre decreti a sera à sfattu.
Iè scuppiata a malatia ri ron Abbondiu!
Cu’ lu fermu ri li tassisti e re penalisti,
e osci chiddu re farmacisti,
arretu peri à fattu
o’ ministru ro’ misfattu!
Pi’ giunta si so’ sciarrati
Pacioni cu’ Veltroni.
‘O sinnicu, iè intervenutu
pi’ fa l’accordu cu e convenuti.
S’ è risoltu lu grandi problema
ma ‘o mussu à misu
Veltroni cu’ D’Alema.
Quannu ‘negera Berlusconi
e a benzina aumentava,
‘a sinistra e girotondi organizzava;
mo ca’ a benzina iè arrivata a unu e quattu
nisciunu si auza e getta n’agghiattu.
Dov’à Floris avianu rittu:
“Cu li spesi a ma firnisci”!
A’ nu cuminciatu peggiu ri prima:
chi voli soldi po’ personali
chi li voli pe’ staminali.
Ri ‘nu dicasteru na nu fattu tre
e ri poltroni ‘na nu mesi cientu e trè.
A n’accuntità e generali
ri l’armata Brancaleoni
ca’ duranti a campagna elettorali
anu fattu a’ parti ri lu leoni.
Genti ri sinistra,
mi rispiaci ri vo’ dici,
picchè fra rui o tre misi,
simu tutti senza turnisi.